၁) တစ်ခါက အဖွားကြီးတစ်ယောက် ဆေးခန်းလာပြသတဲ့။
“ဆရာ ကျွန်မလေ ဘာဖြစ်မှန်းမသိဘူး လေတွေမကြာခဏလည်နေတယ် ဒါပေမယ့်
အသံလဲမမြည် အနံ့လဲမနံဘူး အခုပြောရင်းတောင် လေလည်တာ ၃ခါရှိပြီ။”
“ဟုတ်ပြီ အမေကြီး ရော့ဒီဆေးလေးသောက် နောက်၂ ရက်နေရင်တခါလာပြ”
နောက် ၂ရက်နေတော့ အဖွားကြီး စိတ်တိုပြီး ပြန်ရောက်လာသတဲ့။
“ဆရာဘာဆေးတွေပေးလိုက်တုန်း လေကလည်တုန်းပဲ အသံတော့မမြည်ဘူး ဒါပေမယ့်အခု အရမ်းနံတာပဲ”
“အော်ဟုတ်ပြီ အမေကြီး အခု နှာစေးတာပျောက်ပြီဆိုတော့ နားလေးတာဆက်ကုရအောင်”
၂) ဗိုလ်ကြီး။ ရဲဘော် မင်းမှာ အကြွေလဲဖို့ ရှိလား။
ရဲဘော်။ ဟာ သိပ်ရှိတာပေါ့ ဆရာသမား ဘယ်လောက်လဲ ချင်လဲ။
ဗိုလ်ကြီး။ ရဲဘော် ဒါမင်းအထက်အရာရှိကို ပြန်ဖြေတဲ့ပုံစံလား။ ငါနောက်တစ်ခါပြန်မေးမယ်။ ရဲဘော် မင်းမှာ အကြွေလဲဖို့ရှိလား။
ရဲဘော်။ (သတိစွဲရင်း) မရှိပါဘူးဗိုလ်ကြီး။
၃) “မောင်ရယ် ခင်တို့လက်ထပ်ပြီးရင် မောင့်သောကတွေ ဒုက္ခတွေကို ခင် မျှဝေခံစားပေးမယ်နော်။”
“လိမ်မာလိုက်တာခင်ရယ် ဒါပေမယ့်မောင့်မှာ သောကတွေဒုက္ခတွေမှ မရှိတာ။”
“အော် မောင်ကလည်း ခင်တို့မှလက်မထပ်ရသေးတာ။”
၄) အင်တာဗျူးတခုတွင်
သတင်းထောက်။ သူဌေးကြီး သန်းကြွယ်သူဌေးဖြစ်လာတာ ဘယ်သူ့ကြောင့်လို့ပြောနှိုင်ပါလဲခင်ဗျာ။
သူဌေးကြီး။ ကျွန်တော့်မိန်းမကြောင့်ပါ။
သတင်းထောက်။ အိုဒါဆို သူဌေးကြီးမိန်းမက တော်တော် တော်မှာပဲ။ သူနဲ့လက်မထပ်ခင်က သူဌေးကြီး ဘဝကဘယ်လိုများလဲခင်ဗျာ။
သူဌေးကြီး။ ကုဋေကြွယ်သူဌေးကြီးပါ။
၅) “ဆရာ ကျွန်တော်က အသားလုံးကြော်ဆို အရမ်းသဘောကြတာဆရာ အဲဒါကျွန်တော့်မိန်းမက ကျွန်တော် ရူးနေပြီတဲ့”
“အိုဘယ်နဲ့ရူးရမလဲ ကျွန်တော်လည်း အသားလုံးကြော်ဆို အရမ်းကြိုက်တာ”
“ဟာ ဒါဆိုကျွန်တော်နဲ့ ဝါသနာတူပေါ့၊ ကျွန်တော့်မှာ စုထားတာ အသားလုံးကြော်အမျိုးပေါင်းရာနဲ့ချီရှိတယ် ဆရာရဲ့၊ လိုက်ကြည့်ပါလား”
_______
ကွန်းဇော်
No comments:
Post a Comment