ပညာချိ တို့၏ အဆိုအမိန့်များ (၂)

-       အလုပ်ချိန်/စာသင်ချိန် အတွင်း မိမိမျက်ခွံ၏ အတွင်းပိုင်းအား မလေ့လာရ။

-       ပြဿနာတစ်ခုကို ခွန်အားသုံး၍ ဖြေရှင်းခြင်းသည် အလွန်ညံ့သောနည်းဖြစ်၏။ ၎င်းကို ကလေးငယ်များနှင့် နိုင်ငံကြီးများသာ သုံးကြသည်။

-       ဆိုင်ကယ်မောင်းနေစဉ် တံတွေးထွေးလိုလျှင် ခေါင်းကို ဘေးဘက်သို့ အရင်လှည့်ပါ။

-       ကျွန်ုပ်တွင် တာဝန်ယူလိုစိတ်မရှိခြင်းသည် ကျွန်ုပ်၏ အပြစ်မဟုတ်။ ကျွန်ုပ်ကို သင်မပေးကြသူများ၏ အပြစ်သာဖြစ်သည်။

-       စစ်တမ်းကောက်ယူချက်များ၏ ရလဒ်များမှ ၄၂.၉% သည် တကယ်မလုပ်ဘဲ စိတ်ကူးတည့်ရာ ရေးထားသော ဂဏန်းများသာ ဖြစ်၏။

-       ပညာရှိသည် တွေးကြည့်၏။ လူမိုက်သည် ပြေးကြည့်၏။ ကျွန်ုပ်ကား ကိုယ့်ကိစ္စဆိုလျှင် ပြေးကြည့်၍ သူများကိစ္စဆိုလျှင် တွေးကြည့်ပေး လေသည်။

-       ရှင်သန်ခြင်းသည် နှစ်သက်စရာကောင်း၏။ သေခြင်းသည် ငြိမ်းချမ်း၏။ ကျွနု်ပ်မကြိုက်သည်မှာ ၎င်းတို့ အကြားအကူးပြောင်းပင်ဖြစ်သည်။

-       “ရိုးရိုးကျင့်၍ မြင့်မြင့်ကြံ” လျှင်အဆုံး၌ ရာထူးတက်၍ မနိုင်ဝန် ထမ်းရတတ်သည်။

-       အောင်မြင်ခြင်း၏ သော့ချက် သုံးခုရှိ၏။ တစ်၊ ဝီရိယရှိပါ။ နှစ်၊ ဆရာစားချန်ပါ။

-       သူတပါးကို မဝေဖန်ခင် နံနက်စောစောထ၍ မိမိမျက်နှာကို မှန်ထဲ၌ သေချာစွာကြည့်ပါ။ သို့မှသာ ကိုယ့်မျက်ချေး ကိုယ်မမြင်ကြောင်း စွပ်စွဲလာလျှင် မြင်ပြီးကြောင်း ဖြေရှင်းနိုင်မည်။

-       သင်အရေးကြုံတိုင်း အနားမှာ ရှိသောသူငယ်ချင်းသည် စပ်စုတတ်သောသူ ဖြစ်သည်။

-       ပြဿနာ တက်နေချိန်၌ ပြုံးနိုင်သောသူသည် တစ်ယောက်ယောက်ကို လွှဲချရန် ကြံစည်ပြီးသူ ဖြစ်၏။

_______

ကွန်းဇော်

စုစည်းတင်ပြသည်။