- “မူးလျှင်မမောင်းရ” ထို့ကြောင့် မမောင်းလျှင်မူးပါ။
- “ယနေ့ အလုပ်ကို ယနေ့လုပ်လျှင် မနက်ဖြန်အလုပ်ကို မနက်ဖြန်လုပ်ရမည်” ထို့ကြောင့် ယနေ့ အလုပ်ကို မနက်ဖြန်လုပ်၍ မနက်ဖြန်အလုပ်ကို သဘက်ခါလုပ်ခြင်းဖြင့် သင်ယနေ့တစ်ရက် နားပါ။
- သတိ ….. ကမ္ဘာ့ကျန်းမာရေး အဖွဲ့ကြီး၏ စစ်တမ်းများအရ ရေသောက်သူတိုင်း အနှေးနှင့်အမြန် သေကြသည်။
- သင့်ကို မည်သူမှ ဂရုမစိုက်ကြဟု ထင်မြင်လာလျှင် တစ်ယောက်ယောက်ဆီက ပိုက်ဆံချေးပြီး ရှောင်နေလိုက်ပါ။
- အပြစ်တစ်ခုခု လုပ်မိလျှင် ဘယ်သူမှ အပြစ်မတင်ခင် ကိုယ့်ကို ကိုအမြန်ဆုံးအပြစ်တင်လိုက်ပါ။ “ကိုယ့်ပေါင်ကိုယ်လှန်ထောင်းခြင်း” သည် သူများထောင်းတာထက် သက်သာသည်။
- မိမိကိုယ်ကို ကျန်းမာအောင် နေထိုင်ခြင်းသည် တဖြည်းဖြည်း မျှင်းသေအောင်ပြုခြင်း မည်၏။
- သင်သည် အမှန်ကိုသာ ပြောခဲ့လျှင် ၎င်းကို မှတ်ထားရန်မလိုတော့ချေ။
- သင့်ပိုက်ဆံကို နှစ်ဆတိုးလိုလျှင် လွယ်သော နည်းတစ်နည်းသာလျှင် ရှိ၏။ “အလယ်မှခေါက်လိုက်ပါ”
- ရုံးနောက်ကျမည်မှန်းသေချာလျှင် နံနက်စာကို အေးအေးဆေးဆေးသာ ဆက်စားပါလေ။
- သူဌေးပြောသော ဟာသသည် အမြဲ ရယ်ရသည်။
- အောက်ပါ အခြေအနေတွင် သတိရှိပါ။ “ဆိတ်တစ်ကောင်၏ ရှေ့တွင်၊ မြင်းတစ်ကောင်၏ နောက်တွင်၊ အရူးတစ်ယောက်၏ အနား (ဘယ်ဘက်မဆို)တွင်”
- ဆဲခြင်းသည် ထွက်ပြေးခြင်းနှင့် လက်သီးခြင်းယှဉ်ထိုးခြင်း တို့အကြား အလယ်အလတ်ကြသော ပြဿနာ ဖြေရှင်းနည်းဖြစ်၏။
_______
ကွန်းဇော်
စုစည်းတင်ပြသည်။
No comments:
Post a Comment