မုဆိုးပညာ
တခါက မုဆိုး ကြီး တစ်ယောက်ဟာ သူ့သားလေးကို တောလည်ခေါ်ရင်း မုဆိုးပညာသင်ပေးနေသတဲ့။ တစ်နေရာရောက်တော့ မုဆိုးပေါက်စလေးဟာ ဆိတ်ချီးလုံးလေးတွေတွေ့သတဲ့။
“အဖေ အဲဒါဘာလဲ”
“ဒါလား အဲဒါ မအဆေးလို့ခေါ်တယ် သူ့ကိုစားလိုက်ရင် မအတော့ဘူး”
မုဆိုးလေးက ကောက်စားကြည့်ပြီး
“ထွီး ဒါချီးတွေမဟုတ်လား အဖေ”
“ဟော တွေ့လား မင်းမအတော့ဘူး”
စကားပရိယာယ်
တပ်ကြပ်ကြီး ဘမောင်ဟာ စစ်တိုက်ရာမှာ တော်သလောက် စကား အပြောအဆိုမှာတော့ အတော် ညံ့သတဲ့။ တစ်နေ့ ရဲဘော်အောင်ဘု ကို ရုံးခန်းထဲခေါ်ပြီး ပြောသတဲ့။
“အောင်ဘု မင်း အဘွားဆုံးပြီ”
အောင်ဘု ခင်မျာ အရုပ်ကြိုးပြတ်ဖြစ်သွား သတဲ့။ အဲဒါနဲ့ တပ်ရင်းမှူးက တပ်ကြပ်ကြီးဘမောင်ကိုခေါ်ပြီး
“ကိုဘမောင် ခင်ဗျားစကားကို အဲလိုဒဲ့ကြီး မပြောရဘူး ဒီကိစ္စမျိုးက ပရိယာယ်နဲ့ ညင်ညင်သာသာ ပြောရတယ်၊ ဒါမှ ကြားရတဲ့သူ နဲနဲ သက်သာမှာပေါ့၊ ရော့ဒီစာအုပ်တွေဖတ်ကြည့်ပြီး သင်ယူ” ဆိုပြီး စာအုပ်တချို့ ပေးလိုက်သတဲ့။ အဲလိုနဲ့ တစ်လလောက် အကြာမှာ ရဲဘော်မောင်လှ အဘိုးဆုံးပြန်သတဲ့။ တပ်ကြပ်ကြီး ဘမောင်လဲ တပ်သားတွေအကုန်ထွက် တန်းစီခိုင်းတဲ့ပြီး
“ကဲ အဘိုးရှိသေးတဲ့ ကောင်တွေ အရှေ့ထွက်ရပ်…..နေ နေ မောင်လှ မင်း မပါဘူး”
ပညာရှင်
တခါကလူတစ်ယောက်ဟာ လမ်းလျှောက်လာရင်း စိတ္တဇဆေးရုံတစ်ခုနား အရောက်မှာ အရေးကြီးအစည်းအဝေး တစ်ခုရှိတာကို သတိရမိသတဲ့။ လက်ကနာရီကိုကြည့်လိုက်တော့ နာရီကလဲရပ်နေသတဲ့။ အဲဒါနဲ့ ခြံထဲမှာရပ်နေတဲ့ လူတစ်ယောက်ကို အချိန်လှမ်းမေးလိုက်သတဲ့။
အဲဒီလူက အနားက ဒုတ်တစ်ချောင်းကို အမြန်ကောက် မြေကြီးပေါ်မှာ စိုက်ပြီး အိပ်ထဲက ရေချိန်ကြိရိယာကိုထုတ်တိုင်း၊ နောက် သံလိုက်အိမ်မြှောင်ကိုထုတ်ပြီး ဒုတ်ချောင်းပတ်လည်မှာ အရပ်မျက်နှာကိုမှတ်၊ သံပေတံတစ်ချောင်းနဲ့ စက်ဝိုင်းခြမ်းတစ်ခုကိုထုတ်ပြီး ဒုတ်ရဲ့အရှည်၊ အရိပ်ရဲ့အရှည် နဲ့ ဒီဂရီကို အမြန်တိုင်းလိုက်ပြီး မြေကြီးပေါ်မှာ အမြန်ခြစ်ပြီးတွက်လိုက်သတဲ့။ နောက် ချက်ချင်းပဲ ခုလိုအဖြေပေးလိုက်သတဲ့
“ဒီနေ့ဟာ မတ်လ ၁၀ရက်နေ့ဆိုရင်တော့ အခု မွန်းလွဲ ၃နာရီ ၂၉မိနစ်ရှိပါပြီ”
ရုတ်တရက် အချိန်မေးလိုက်တဲ့လူဟာ အံ့အားသင့်သွားပြီး
“ဟား ခင်ဗျားလိုတော်တဲ့ပုဂ္ဂိုလ်တစ်ယောက်ဟာ ဘယ်လိုလုပ်ဒီထဲရောက်နေပါလိမ့်ဗျာ၊ ဒါနဲ့နေပါအုံး မိုးအုံ့နေလို့ နေမထွက်ရင် ခင်ဗျား အချိန်ဘယ်လိုတွက်မလဲ”
“အဲဒါဆိုရင်တော့ ကျွန်တော် ဟောဒီလို လက်ကနာရီကိုပဲကြည့်လိုက်တယ်”
သင်္ချာ
ဆရာကြီး။ သားကို ဆရာကယုန်လေး ၂ ကောင်ပေးမယ် နောက်ထပ် ၂ကောင်ပေးမယ် နောက်ထပ် ၂ကောင်ထပ်ပေးမယ်ဆိုသားမှာ ယုန်လေး ဘယ်နှစ်ကောင်ရှိမလဲ။
ဂျော်နီလေး။ ၇ ကောင်ပါ ဆရာကြီး။
ဆရာကြီး။ မဟုတ်ဘူးလေသားရဲ့။ သေချာနားထောင်နော် ဥပမာ သားကို ဆရာကဟောဒီခဲတံ ၂ ချောင်းပေးမယ် နောက်ထပ် ၂ချောင်းပေးမယ် နောက်ထပ် ၂ချောင်း ထပ်ပေးမယ်ဆိုသားမှာ ခဲတံ ဘယ်နှစ်ချောင်း ရှိမလဲ။
ဂျော်နီလေး။ ၆ ချောင်းပါ ဆရာကြီး။
ဆရာကြီး။ အေးဟုတ်ပြီ။ ဒါဆို သားကို ဆရာကယုန်လေး ၂ ကောင်ပေးမယ် နောက်ထပ် ၂ကောင်ပေးမယ် နောက်ထပ် ၂ကောင်ထပ်ပေးမယ်ဆိုရင်ရော သားမှာ ယုန်လေး ဘယ်နှစ်ကောင်ရှိမလဲ။
ဂျော်နီလေး။ ၇ ကောင်ပါဆရာကြီး။
ဆရာကြီး။ အင်… ဒီသောက်သုံးမကြတဲ့ နောက်တစ်ကောင်က ဘယ်က ရောက်ရောက်လာတာလဲ။
ဂျော်နီလေး။ မနေ့က ဖေဖေ ဝယ်လာ ပေးတာ။
ယဉ်ကျေးမှူ
ဂျော်နီလေး။ ဆရာမ သားသားအီးသွားပါချင်လို့။
ဆရာမ။ ဂျော်နီ အဲလိုပြောတာမယဉ်ကျေးဘူး ကွ့ဲ။ သန့်စင်ခန်း သွားချင်တယ်လို့ပြောရတယ်။ ပြန်ပြော ကြည့်စမ်း။
ဂျော်နီလေး။ ဟုတ်ကဲ့။ ဆရာမ သားသား သန့်စင်ခန်းသွားပြီး အီးသွားပါချင်လို့။
ဆရာမ။ ကြွကြွ ကောင်စုတ်လေး။
______
ကွန်းဇော်
No comments:
Post a Comment